/117/ misericordiae divinae rivos inde deflecti
quotidie derivarique persentisceremus, si
nullis essemus peccatorum sordibus obnoxij.
Sublimior sane misericordiae effectus est,
stantes ne cadant tenere quam lapsos erigere
et in pristinum gradum restituere. Firmiori
nobiliorique gratiarum comitatu
augustissimam Christi matrem Deus voluit
communitam, dum immunem ab omni
vitiorum labe intactamque conservavit,
quam Petrum aliosque lapsos, dum in pristinum
gratiae illos restituit statum.
Ad confirmationem: Martyrium Deo
gratum est; id tamen necessario antecedit
tyrannorum saevitia. Respondeo: Qua peccatum
supponit, a Deo nullo modo exoptari.
Pergrata tamen illi est martyrij virtus, quae,
cum in charitate consistat, peccatum
praesupponit nullum et a confessore aliquando
perfectior quam a martyre possidetur.
Quis enim inficias eat, si non illustriori,
pari saltem martyrij virtute charitateque
praeditum fuisse Divum Ioannem Evangelistam
atque ex martyribus aliquem? Ego sane vel
minimus militantis Ecclesiae tyro, cum anno
praeterito Londini ad agonem christianum
destinatus essem, adeoque 49. diebus
in latomiis tanquam palaestra quadam exercerer,
Indice
|
Pagine introduttive |
|
EXERCITATIONES |